Maro en Santiago
Fecha: Xoves 25 Xullo 2024
Hora: 22:00h
Lugar: Praza da Quintana
MARO é o nome profesional da artista portuguesa Mariana Secca. Comezou os seus estudos de piano clásico aos catro anos. Escribiu a súa primeira canción aos 11 anos e aos 12 aprendeu por si mesma a tocar a guitarra, instrumento fundamental no seu proceso compositivo. Aos 20 anos, solicitou e foi aceptada no Berklee College of Music de Boston. Alí estableceu contacto con outros artistas como Jacob Collier, con quen colaborou para o seu álbum Djesse, Vol.
En 2018, lanzou o seu debut homónimo de 22 temas en tres volumes; o disco MARO & Manel con Manuel Rocha, e It's OK, unha colección en solitario de nove cancións folk electroacústicas en inglés tras asinar un contrato de xestión co mítico produtor Quincy Jones. MARO pasou 2019 de xira por Europa, América do Norte e do Sur, Asia e Australia xunto a Jacob Collier e en 2023 lanzou Hortelã, o seu primeiro álbum distribuído por Sony. Ademais, ese mesmo ano colaborou con Sílvia Pérez Cruz e Rita Payés na canción Estrelas e Raiz.